Psalms 138
David phuah.
1 TOPA aw, ka lungsim neihzahin nang kong phat ding hi;“pasiante” mai-ah nangma phatna la ka sa ding hi. a
2 Nate khempeuh tungah
na min le na thu tawisang khin na hi manin,
nangma itna le na muanhuaina hangin b
na biakiin siangtho lam nga-in c
kunin na min ka phat ding hi.
3 Kong sap ciangin nong dawng a; d
hong hangsansakin, nong lungkhauhsak hi. e
4 TOPA aw, leitung kumpite khempeuh in,
na kam pana thute a zak uh ciangin nang hong phat uh hen.
5 TOPA minthanna lian ahi manin f
amaute in TOPA lampite la in sa uh hen. g
6 A sangpi ah TOPA om taleh a tualniamte thudon-a,
a gamlapi panin a kiphasakte a thei hi. h
7 Lungkhamna lakah ka pai hangin i
ka nuntakna hong hawisakin; j
a heh ka galte langah na khut na zankhia a, k
na khut taklamin nong honkhia hi. l
8 TOPA in kei adingin a tup a tangtun ding hi; m
TOPA aw, nangma itna kip tawntung hi - n
na khuta na sepsate nusia kei in. o
Copyright information for
ZomZIV